v1 Allir Ísraelsmenn vóru ættartaldir og ritaðir í bók Ísraels konga. Men Júda varð herleiddur til Bábelborgar fyri ótrúskapar sakir. v2 Hinir fyrru íbúgvar, ið sótu við jørð síni í borgum sínum, vóru: Vanligir Ísraelsmenn, prestarnir, Levitarnir og tempultrælirnir. v3 Í Jerúsalem búðu av Júdamonnum, Benjaminitum, Efraimitum og Manassitum: v4 Av Júdamonnum: Utai Ammihudsson, Omrisonar, Imrisonar, Bánisonar, sum var ættaður frá Perezi Júdasyni. v5 Av Sjelanitum: Ásaja, hin frumgitni, og synir hansara. v6 Av Zeraitum: Jeuel og brøður teirra, seks hundrað og níti í alt. v7 Av Benjaminitum: Sallu Mesjullamsson, Hódavjasonar, Hassenuasonar; v8 Jibneja Jeróhamsson; Ela Uzzison, Mikrisonar; Mesjullam Sjefatjason, Reuelssonar, Jibnejasonar; v9 framvegis brøður teirra eftir kyntáttum teirra, í tali níggju hundrað og fimmti og seks. Allir hesir vóru oddamenn fyri kyntáttum sínum.
v10 Av prestunum: Jedaja, Jójarib, Jákin, v11 Ázarja Hilkiason, Mesjullamssonar, Zádokssonar, Merajotssonar, Áhitubssonar, ið høvuðsmaður var fyri templi Guðs, v12 Ádaja Jeróhamsson, Pasjhursson, Malkijason; Másai Ádielsson, Jázerasonar, Mesjullamssonar, Mesjillemitssonar, Immerssonar; v13 framvegis brøður teirra, seytjan hundrað og seksti ættarhøvdingar, fráskilamenn til at inna tænastu í templi Guðs.
v14 Av Levitum: Sjemaja Hassjubsson, Azrikamssonar, Hásjabjasonar, av Meraritum. v15 Framvegis Bakbakkar, Heresj, Gálal, Mattanja Mikason, Zikrisonar, Ásafssonar, v16 Óbadja Sjemajason, Gálalssonar, Jedutunssonar, Berekja Ásason, Elkanasonar, sum búði í torpum Netofatita. v17 Og duravørðirnir: Sjallum, Akkub, Talmon og Áhiman og brøður teirra. Sjallum var hægstur v18 og goymir enn at kongsliðinum eystantil. Hesir vóru duravørðirnir í herbúðum Levita. v19 Sjallum Kóreson, Ebjasafssonar, Kórasonar og brøður hans, ið vóru av hansara ætt, Kóraitarnir, intu tænastu við at goyma at tjaldgáttunum; eisini fedrar teirra høvdu verið vørðir við inngongdina í herbúðir Harrans. v20 Pinehas Eleazarsson hevði forðum verið oddamaður teirra – Harrin veri við honum. v21 Zekarja Mesjelemjason var duravørður við samfundartjaldið. v22 Teir, sum útvaldir vóru til at goyma at gáttunum, vóru til samans tvey hundrað og tólv; hesir vóru í torpum sínum ritaðir í ættartal. Dávid og síggjarin Sámuel skipaðu teimum í embæti; v23 teir og synir teirra vóru duravørðir við hús Harrans, við tjaldbúðina. v24 Móti teimum fýra ættunum skulu duravørðirnir standa, móti eystri og vestri, móti norðuri og suðuri. v25 Og brøður teirra í torpum teirra skuldu koma av og á sjey dagar í senn og veita teimum atstøðu. v26 Tí at hinir fýra yvirduravørðirnir intu støðugt størv síni. Tað vóru Levitarnir. Teir høvdu eisini umsjón við herbergunum og goymsluhúsunum í húsi Guðs. v27 Teir hildu til um náttina kring tempul Guðs; tí at teir áttu at halda vakt og á hvørjum morgni at lata upp liðini. v28 Nakrir teirra høvdu umsjón við teimum amboðum, ið nýtt vóru í tænastuni; teir taldu tey, bæði tá ið teir goymdu tey burtur, og tá ið teir tóku tey fram aftur; v29 og aðrir teirra høvdu umsjón við amboðunum og øllum halgigripunum, við hveitimjølinum, víninum, oljuni, roykilsinum og kryddurtunum. v30 Nakrir av prestasonunum gjørdu salvu úr hinum vælangandi urtunum. v31 Men Matitja, ein av Levitunum, frumgitni sonur Sjallums Kóriata, hevði fingið starvið at baka litið til.
v32 Nakrir av Kehatitunum, brøðrum teirra, høvdu umsjón við sýnisbreyðunum og skuldu leggja tey til rættis hvønn hvíludag.
v33 Tað vóru sangararnir, ættarhøvdingar Levitanna; teir búðu í herbergunum og vóru leysir við onnur størv, tí at teir høvdu tænastu dag og nátt.
v34 Hesir vóru ættarhøvdingar Levitanna, høvuðsmenn fyri kyntáttum sínum í Jerúsalem.
v35 Í Gibeon búði Jeuel, faðir Gibeons; kona hansara æt Máaka; v36 frumgitni sonur hansara var Abdon, tínæst Zur, Kisj, Báal, Ner, Nádab, v37 Gedor, Ájo, Zekarja og Miklot. v38 Miklot gat Sjimeam. Eisini teir búðu yvir av brøðrum sínum í Jerúsalem saman við brøðrum sínum. v39 Ner gat Kisj; Kisj gat Sául; Sául gat Jónatan, Malkisjúa, Ábinadab og Esjbáal. v40 Sonur Jónatans var Meribbáal; Meribbáal gat Mika. v41 Synir Mika: Piton, Melek, Tárea og Áhaz. v42 Áhaz gat Jehóadda; Jehóadda gat Álemet, Asmavet og Zimri. Zimri gat Móza, v43 Móza gat Binea. Sonur hansara var Refaja, sonur hansara Eleasa, sonur hansara Ázel. v44 Ázel átti seks synir; teir itu: Ázrikam, Bókeru, Jisjmael, Sjearja, Óbadja og Hánan. Hesir vóru synir Ázels.