v1 Hesir eru teir úr skattlandi okkara, sum fóru úr herleiðingarútlegdini, teir, ið Nebukadnezar kongur hevði herleitt til Bábel, men nú snúðu heim aftur til Jerúsalem og Júda, hvør í sína borg, v2 teir, ið komu við Zerubbábeli, Jesjua, Nehemja, Seraja, Reelaja, Mordokai, Bilsjan, Mispar, Bigvai, Rehum og Báana. Talið á monnum Ísraels fólks var: v3 Eftirkomarar Párosj: Tvey túsund, eitt hundrað og sjeyti og tveir; v4 eftirkomarar Sjefatja: Trý hundrað og sjeyti og tveir; v5 eftirkomarar Ára: Sjey hundrað og sjeyti og fimm; v6 eftirkomarar Páhat-Móabs, eftirkomarar Jesjua og Jóabs: Tvey túsund, átta hundrað og tólv; v7 eftirkomarar Elams: Eitt túsund, tvey hundrað og fimmti og fýra; v8 eftirkomarar Zattu: Níggju hundrað og fjøruti og fimm; v9 eftirkomarar Zakkai: Sjey hundrað og seksti; v10 eftirkomarar Báni: Seks hundrað og fjøruti og tveir; v11 eftirkomarar Bebai: Seks hundrað og tjúgu og tríggir; v12 eftirkomarar Ázgads: Eitt túsund, tvey hundrað og tjúgu og tveir; v13 eftirkomarar Ádónikams: Seks hundrað og seksti og seks; v14 eftirkomarar Bigvai: Tvey túsund og fimmti og seks; v15 eftirkomarar Ádins: Fýra hundrað og fimmti og fýra; v16 eftirkomarar Áters, frá Hizkia: Níti og átta; v17 eftirkomarar Bezai: Trý hundrað og tjúgu og tríggir; v18 eftirkomarar Jóra: Eitt hundrað og tólv; v19 eftirkomarar Hásjums: Tvey hundrað og tjúgu og tríggir; v20 eftirkomarar Gibbars: Níti og fimm; v21 ættaðir úr Betlehem: Eitt hundrað og tjúgu og tríggir; v22 menn úr Netofa: Fimmti og seks; v23 menn úr Ánatot: Eitt hundrað og tjúgu og átta; v24 ættaðir úr Azmavet: Fjøruti og tveir; v25 ættaðir úr Kirjat-Jearim, Kefira og Beerot: Sjey hundrað og fjøruti og tríggir; v26 ættaðir úr Ráma og Geba: Seks hundrað og tjúgu og ein; v27 menn úr Mikmas: Eitt hundrað og tjúgu og tveir; v28 menn úr Betel og Ai: Tvey hundrað og tjúgu og tríggir; v29 ættaðir úr Nebo: Fimmti og tveir; v30 eftirkomarar Magbisj: Eitt hundrað og fimmti og seks; v31 eftirkomarar Elams hins annars: Eitt túsund, tvey hundrað og fimmti og fýra; v32 eftirkomarar Hárims: Trý hundrað og tjúgu; v33 ættaðir úr Lod, Hádid og Óno: Sjey hundrað og tjúgu og fimm; v34 ættaðir úr Jeriko: Trý hundrað og fjøruti og fimm; v35 ættaðir úr Senáa: Trý túsund, seks hundrað og tríati.
v36 Prestarnir: Eftirkomarar Jedaja av ætt Jesjua: Níggju hundrað og sjeyti og tríggir; v37 eftirkomarar Immers: Eitt túsund og fimmti og tveir; v38 eftirkomarar Pasjhurs: Eitt túsund, tvey hundrað og fjøruti og sjey; v39 eftirkomarar Hárims: Eitt túsund og seytjan.
v40 Levitarnir: Eftirkomarar Jesjua og Kadmiels, av eftirkomarum Hódavja: Sjeyti og fýra.
v41 Sangararnir: Eftirkomarar Ásafs: Eitt hundrað og tjúgu og átta.
v42 Duravørðirnir: Eftirkomarar Sjallums, Áters, Talmons, Akkubs, Hátita og Sjóbai; tilsamans: Eitt hundrað og tríati og níggju.
v43 Tempultrælirnir: Eftirkomarar Ziha, Hásufa og Tabbaots, v44 Kerósar, Siaha, Pádons, v45 Lebana, Hágaba, Akkubs, v46 Hágabs, Salmai, Hánans, v47 Giddels, Gáhars, Reaja, v48 Rezins, Nekoda, Gazzams, v49 Uzza, Pásea, Besai, v50 Asna, Meunita, Nefusita, v51 Bakbuks, Hákufa, Harhurs, v52 Bazluts, Mehida, Harsja, v53 Barkosar, Sisera, Tema, v54 Nezia og Hátifa.
v55 Eftirkomarar tænara Sálomons: Eftirkomarar Sotai, Soferets, Peruda, v56 Jáala, Darkons, Giddels, v57 Sjefatja, Hattils, Pokerets-Hazzebáims og Ámi. v58 Tempultrælir og eftirkomarar tænara Sálomons vóru tilsamans trý hundrað og níti og tveir.
v59 Og hesir eru teir, ið fóru heim úr Tel-Mela, Tel-Harsja, Kerub-Addan og Immer og ikki kundu at greina ætt sína og uppruna sín, hvørt teir vóru komnir av Ísrael: v60 Eftirkomarar Delaja, Tóbija og Nekoda: Seks hundrað og fimmti og tveir. v61 Og av eftirkomarum prestanna: Eftirkomarar Hábaja, Hakkozar og Barzillai; hann hevði tikið sær eina dóttur Barzillai Gileadita til konu og var nevndur við navni teirra. v62 Hesir leitaðu eftir ættartølum sínum, men funnu tey ikki; teir vórðu tí sum óreinir lokaðir úti frá prestadømi. v63 Og landsstjórin sýtti teimum at eta av hinum háheilaga, fyrr enn prestur stóð fram, ið dugdi at handfara Urim og Tummim.
v64 Allur savnaðurin var tilsamans fjøruti og tvey túsund, trý hundrað og seksti, v65 umframt trælir og trælkvendi teirra, ið vóru sjey túsund, trý hundrað og tríati og sjey; har vóru eisini tvey hundrað sangarar og sangkonur. v66 Ross teirra vóru sjey hundrað og tríati og seks; múldjórini tvey hundrað og fjøruti og fimm; v67 kamelarnir fýra hundrað og tríati og fimm og asnarnir seks túsund, sjey hundrað og tjúgu.
v68 Og summir av ættarhøvdingunum góvu, tá ið teir vóru komnir til hús Harrans í Jerúsalem, sjálvbodnir gávur til hús Guðs til tess at fáa tað bygt upp aftur á staði sínum, v69 og hvør eftir sínum førimuni góvu teir í byggigrunnin seksti og eitt túsund gulldárikar, fimm túsund silvurminur og eitt hundrað prestabúnar. v70 Síðan búsettust prestarnir og Levitarnir og sumt av fólkinum í Jerúsalem og har í nánd, men sangararnir og duravørðirnir, tempultrælirnir og alt hitt fólkið settust niður í borgum sínum.