kipineqarneq: Usuup nuuata amiata peerneqarnera. Kipineqarneq ileqquuvoq inuiaqatigiinni qassiini Kangiani Qiterlermi najugaqartuni aammattaarlu silarsuarmi inuiqatigiinni allani. Israelikkunnut inuiannut angerfigeqatigisaasunut ilaassagaanni pinngitsoornani kipineqarsimasuusariaqarpoq; taamaattumik nukappiaqqat inunngortut sapinngisamik piaartumik kipineqartussaapput, ullut arfineq-pingajussaanni, 1 Mos 17,11-14. Kipineqarneq kristumiunut ukiut ingerlaneranni pingaarutaaruppoq, soorlu Gal 5,6 aamma 6,15. Testamentitoqqami Testamentitaamilu aamma kipineqarneq isumavianit allaasumik isumaqartillugu atorneqartarpoq, soorlu 3 Mos 26,41; Jer 6,10; Rom 2,28-29.