Pilliisarnerit immikkoortiterneri.

ilivitsuutillugu pilliut: Pilliutinut tamakkivillugit ikuallanneqartartunut ataatsimut taaguut, soorlu 2 Mos 6,15-16.

naatitanit pilliutit: Naatitanit pilliutinut nerisassiassatut piareersarsimasunut piareersarsimanngitsunulluunniit ataatsimut taaguut. Naatitanit pilliut immikkoortillugu pilliutigineqarsinnaavoq, soorlu 3 Mos 6,7-12, imaluunniit pilliinermut annerusumut ilaatinneqarsinnaavoq.

pilliut ikikkagassaq: Pilliutinut pilliivimmi ikikkarneqartunut ataatsimut taaguut, soorlu 3 Mos 1.

pilliut kueragassaq: Siullerpaamik viinni pilliutigineqartarpoq amerlanertigullu pilliinermut annerusumut atatillugu, soorlu 2 Mos 29,40. Pilliutitut kueragassatut aak akueriumaneqanngilaq, tak. Tuss 16,4.

pilliut nereqatigiissutissaq: Pilliutinut ilaannaat ikuallanneqartunut ilaallu pilliisunit nerineqartunut ataatsimut taaguut, soorlu 3 Mos 7,29-36. Aamma tak. pilliut qujaniut.

pilliut toqutassaq: Aammik kuisilluni, tassa toqutsilluni, pilliinermut ataatsimut taaguut, soorlu 3 Mos 17,1-9.

tipigissaatilliineq: Tipigissut tipigissaatilliiffimmi (tak. pilliivik) ikuallanneqartut. 2 Mos 30,1. Aamma tak. tipigissaatilliissut.

tipigissaatilliissut: Immini pilliutaanngilaq tassaallunili pilliutip ikikkakkap tikka Guutimit najuunneqartoq, soorlu 1 Mos 8,21, naleqq. »tipi Naalakkamut naamajuminartussaq«, soorlu 3 Mos 6,15-18.