Pilliutit pisartunut tunngatitat.

inereqqaatinik pilliut: Inerittut katersorneqaqqaartut pilliutigineqartussat, tak. 3 Mos 2,14.

ivertitaaffimmi pilliut: Palasiunermik ivertitsinermi pilliutigineqartartoq, 3 Mos 8,28.

kajumissutsimik pilliut: Qujaniutitut pilliut (tak. pilliut qujaniut) pinngitsoornani tamanna pisussaaffiginngikkaluarlugu. Aamma tak. neriorsuut eqquutitinniarlugu pilliut.

neriorsuut eqquutitinniarlugu pilliut: Pilliut qujaniut naalliuuteqarnermi Guuti neriorsorsimagaanni naalliukkunnaarsippatik pilliiffigiumallugu, soorlu 1 Mos 28,20-22; eqquutitinneqartoq 1 Mos 35,1-7-imi. Neriorsuut eqquutitinniarlugu pilliineq taaneqarajuppoq kajumissutsimik pilliinermut atatillugu, soorlu 3 Mos 23,38. 3 Mos 22,23-mili takutinneqarpoq taakku assigiinngitsuusut.

nittarterussineq: Tak. nittarteruppaa.

pilliut ajortaaruteqqussut: Testamentitoqqami pilliutini taanna taaneqarajunnerpaajuvoq. Ajortinik anngiiaatiginninnermut atatillugu, 3 Mos 5,5-6, pilliut ajortaaruteqqussut pilliutigineqartarpoq sammaateqqussutitut inuk ataaseq imaluunniit inuit tamarmik inatsisinik unioqqutitsinikkut, 3 Mos 4, ajortuliorsimagaangata minguttunngorsimagaangataluunniit, 3 Mos 12,6. Palasit atorfimminnut ivertinneqarneran-nut atatillugu ajortaaruteqqussuti-nik pilliisoqartaraangat, soorlu Ez 43,19-27, tamanna ajortuliornissamut mingutsinnissamullu pitsaaliinertut paasineqarsinnaavoq.

pilliut pisuutitaajunnaaqqussut: Piaarinani pisuussuteqalersimanermit saammaanneqarneq, 3 Mos 5,15-26. Taaneqarajuttarpoq pilliummut ajortaaruteqqussummut atatillugu, soorlu 4 Mos 6,11-12.

pilliut qujaniut: Annaanneqarnermut qujaniutigalugu pilliutigineqartartoq, soorlu Tuss 50,14; aammattaarli atorneqartarpoq sioqqutsilluni qujaniutitut Guutimit iluarineqalerumalluni, soorlu 3 Mos 22,29-30. Aamma tak. kajumissutsimik pilliut kiisalu neriorsuut eqquutitinniarlugu pilliut.