pilliivik: Guutigisamut pilliiffik. Hebræerit oqaasiat atorneqartoq isumaqarpoq: »toqutsiffik«, tak. 3 Mos 1,11, tassa pilliutaasartut tassaanerummata nersutit, tak. pilliut toqutassaq, immikkoortumi: pilliineq. Aallaqqaataani pilliiviliorsinnaasarput issumik ujaqqanillu qarmakkanik, sumiluunniit pilliiffigiumasaminni, soorlu tak. 1 Mos 8,20. Illoqarfinni aalajangersimasunik pilliiveqarpoq illernartuummiitinneqarajuttunik. Naalaffimmi Jerusalemimiittumi pilliiviit marluupput: Ikikkagassanut pilliivik, 1 Nal 22,1, aamma tipigissaatilliiffik, 2 Nal 26,16. Pilliivik nassuttaqarsinnaasarpoq. Testamentitoqqami eqqartorneqarajupput guutipilunnut pilliiviit, soorlu Ba'alimut, Eqq 6,25.