aningaasat oqimaassutsillu: Akiliutissatut aningaasaliat naqinnilikkat aatsaat atorneqartalerput ukiup 400-p Kr.in.si. missaani. Siornatigut akiliutigineqartaraluarput kanngussak, sølvi kuultilu uuttorlugit; sekelip nagguigaa hebræerit oqaasiat shakal = »oqimaalutarpaa«, tak. soorlu 1 Mos 23,16. Testamentitaami taaguutit aalajangersimanerulerput grækerit Romamiullu aningaasanut taaguutaat atorneqartalermata. Aningaasat nalingi alanngorartuartuummata danskit aningaasaannut naleqqiunnissaat eqqortuussanngilaq. Qanoq naliligaaneranut paasissutaasinnaasutut taaneqassaaq sølvi 50 sekeli akiliutaasarmat naatsiiassanut suaasiassanut siaruartikkanut homerimut ataatsimut (400 l miss.), 3 Mos 27,16, aamma qajuusiassat sea ataaseq (13 l miss.) sekelimik ataatsimik akeqarmata, suaasiassatut seatut marluttut, 2 Kng 7,1; 2 Kng 7,16. Testamentitaami sulisitaq ullormut denarimik ataatsimik akissarsisarpoq, Matt 20,2.

aningaasannguit Mark 12,42-mi aamma Luk 21,2-mi Romamiut aningaasaannut minnerpaamut kanngussaasumut taaguutaavoq.

beka = sekelip affaa (5 1/2 g miss.), 2 Mos 28,26.

darajki Persiamiut aningaasaat kuulti, 1 Nal 29,7.

denari Romamiut aningaasaat grækerit aningaasaata drakmip naleqataa, Matt 20,2.

drakmi = darejkip affaa, Ezra 2,69. Luk 15,8-mi drakmi grækerit aningaasaraat sølvi 4 g miss. oqimaassuseqartoq.

gera = 1/20 sekeli (gramip affaa sinnitsiarlugu, 3 Mos 27,25.

kesita qanoq naleqarnersoq aalajangersumik oqaatigineq ajornarpoq, 1 Mos 33,19.

mini = grækerit drakmii 100-t imaluunniit sekelit 50-it (700 g miss.), Ezra 2,69.

oori (øre) Mark 12,42-mi taaguutaavoq Romamiut aningaasaannut skilling-ip affaatut nalilimmut.

pimi = 2/3 sekeli (8 g inutsiarlugit), 1 Sam 13,21-miinnaq taaneqarpoq.

pundip oqimaassutsitut assigaa Romamiut oqimaalutaat litra (330 g miss.), Joh 12,3. Aningaasatut assigaa mine, Luk 19,13.

sekeli oqimaassutsitut = 20 gera (11 g miss.), 2 Mos 38,24. Aningaasatut = 1/20 darejki, Neh 5,15.

skillingi 1 Sam 2,36-mi hebræerit taaguutaat, immaqa aalajangersumik nalinganik oqaatiginninnerunngitsoq, tassaaginnartorli »aningaasannguaq«. Matt 10,29-mi aamma Luk 12,6-imi skillingi taaguutaavoq Romamiut aningaasaannut kanngussammut minnerpaamut = 1/10 drakmi.

statéri tassa grækerit aningaasaat sølvi = drakmit sisamat, Matt 17,27.

talenti = sekelit 3.000-it = minit 60-it (50 kg miss.), 2 Mos 38,24-25.