Takissutsinut uuttuutit.

aleni: Assaatitut takitigaaq (50 cm miss.), 5 Mos 3,11. Tassannga immikkoortinneqarpoq »aleni uuttuutitoqqat malillugit«, 2 Nal 3,3, alenimit assaap silissusianik tannerusoq, tak. Ez 40,5.

assaap isannera: (25 cm inulaarlugu), 2 Mos 28,16.

assaap silissusia: (7-8 cm), 2 Mos 25,25.

gomedi: Taamaallaat Eqq 3,16-imi taaneqartoq; qanoq takitiginersoq ilisimaneqanngilaq immaqali alenitut ataatsitut takitigaaq.

inuak (inussap silissusia): (2 cm miss.), Jer 52,21.

isanneq: (2 m miss.), ApS 27,28.

miili: Latiinerisuumit millemit = 1.000. Romamiut miiliat ataaseq (1,5 km), Matt 5,41-miinnaq.

sabbatikkut ingerlavigisariaq: Juutit ileqqutoqaat malillugit sabbatimi ingerlavigisassaatitaq isorartunerpaaq (tak. nalliussinerit) (1.000 m miss.), taamaallaat ApS 1,12-imi taaneqarpoq.

stadie: Grækerisooq (192 m), Luk 24,13.