Ba'ali: Semittit killiit oqaasiat = »naalagaq«; Kana'anikkut naggorissusermut guutiannut taaguutigitinneqarpoq ateritinneqarlunilu. Nersuteeqqatut angutivissatut isikkoqartillugu guutisiorfigineqartarpoq. Ba'ali nunat aqqinut atatinneqartarpoq, 4 Mos 25,3 aamma 32,28, taamaattumillu qasseersiutaasinnaasarpoq: Ba'alit, soorlu Eqq 2,11. »Naalakkamik« isumaqartillugu atorneqarpoq Israelip Guutia pillugu inuit aqqini, soorlu Ishba'al (Ishboshet), 2 Sam 2,8. Israelikkut guutisiornerat Kana'anikkut Ba'alimik guutisiorfiginninnerannit sunnerneqartarpoq, soorlu Eqq 6,25.