v1  Appittartumut. Kukkilattariarsugassiaq.
Maskil Daavimit.
v2  Taamani Zifimiut tikiummata Saulilu oqaluttuullugu Daavi imminni isertorsimasoq.

v3  Annaannga atikkut, Guuti,
pinngitsuutinnga pissaanersuakkut!
v4  Tusaaniaruk qinnutiga, Guuti,
tusaaniakkit qanerma oqaasii!
v5  Takornartat saassuppaannga,
nakuusertut toqunniarpaannga,
Guuti sianiginnginnamikku.      Sela

v6  Takuat, Guuti ikiortigaara,
Naalakkap nakussatsippaanga.
v7  Akeqqakka imminnut ajunaartiinnassapput.
Piiakkit unneqqarissutsinni!

v8  Taava kajumissutsimik pilliutissamik pilliivigissavagit,
nersussavara aqqit Naalagaq, ajunngitsuummat,
v9  annikilliorninnit tamanit annaattarpaanga,
isimalu nuannaarutigaat akeqqakka.